सीधे मुख्य सामग्री पर जाएं
थंड हवेचे ठिकाण माथेरान
माथेरान
हे रायगड जिल्ह्यातील थंड हवेचे ठिकाण
. सह्याद्रीच्या मुख्य रांगेपासून थोडीशी वेगळी झालेली ही डोंगररांग समुद्रसपाटीपासून
साधारण २६०० फूट उंच
आहे . कल्याणच्या मलंग गडापासून ही
डोंगररांग सुरु होते . मलंगगडाला
लागून बदलापूरच्या डोंगरातील गुहा लागतात . नंतर
नवरानवरीचा डोंगर लागतो . त्यावर असणाऱ्या बारीक - सारीक सुळक्यांमुळे हाडोंगर लगेच ओळखता येतो
. त्यापुढे चंदेरीचा प्रचंड सुळका आणि नंतर म्हैसमाळ
नावाचा डोंगर लागतो . त्यानंतर नाखिंद डोंगर आणि यानंतर मग
माथेरानचा डोंगर सुरु होतो . संपूर्ण
माथा विविध घनदाट झाडी आणि लाल
पायवाटा भरलेला आहे . माथेरानला जाण्यासाठी छोटी आगगाडी येते
ती नेरळ स्टेशनवरुन सुटते
. डोंगराला वळणं घेत धावणारी
ही छोटेखानी आगगाडी माथेरानच्या सहलीतलं विशेष आकर्षण आहे . इसवी सन १८५०
मध्ये मुंबईचा गव्हर्नर लॉर्ड एल्फिन्स्टन आणि ठाण्याचा कलेक्टर
यांनी हे हिल स्टेशन
शोधून काढलं . १८५४ मध्ये मुंबईच्या
गव्हर्नरने येथे बंगला बांधला
. पुढे माथेरानला पर्यटन स्थळ म्हणून इंग्रजांनी
वसवलं . त्यांनी इथल्या विविध स्थळांना नावं दिली त्यामुळे
सहाजिकच ती पॉईंटची नावं
इंग्रजीत आहेत . पॅनोरमा , गार्बट , अलेक्झांडर , हार्ट लिटल चौक , ग्रेट
चौक , वन ट्री हिल
, सनसेट पॉइंट , एको पॉइंट हे
इथले नयनरम्य पॉईंट्स आहेत . उन्हाळ्याच्या सुट्टीत आणि पावसाळ्यानंतर इथली
मजा लुटायलापर्यटक गर्दी करतात . माथेरानच्या जंगलात क्वचित बिबटेदेखील आढळतात असे स्थानिक लोक
सांगतात . इथल्या पक्षीसृष्टीत मोठ्या प्रमाणावर बुलबुल , दयाळ , लार्क , तांबट , किंगफिशर , धनेश , इत्यादी पक्षी पाहायला मिळतात . माथेरानला पाण्याचा पुरवठा करणारा मुख्य तलाव म्हणजे शार्लेट
लेक , पावसाळ्यात हा जलाशय पाण्याने
पूर्ण भरुन वाहू लागतो
त्यावेळी त्याचा धबधबा तयार होतो . त्याचा
आवाज उरात धडकी भरवणारा
असतो . माथेरानला राहण्यासाठी एमटीडीसीची रेस्ट हाऊसेस आहेत . मध्य रेल्वेच्या नेरळ
रेल्वे स्टेशनवरुन माथेरानला जाणारी ही मिनी ट्रेन
झुक झुक करत २१
किलोमीटरचं अंतर दोन तासात
पार करते . या गाडीतून माथेरानचं
सौंदर्य पाहण्याची मजा काही वेगळीच
असते . लांबचे पॉईंट बघण्यासाठी लाब घोड्यावरुनही जाता
येते .
टिप्पणियाँ
एक टिप्पणी भेजें
Read And Comment ang Join